17.12.2025 (புதன்கிழமை)
தினமணி நாளிதழின் அடிப்படையிலான TNPSC தேர்வுக்கால நடப்பு
நிகழ்வுகள் இதோ.

1. தேசிய
செய்திகள் (National News)
·        
காப்பீட்டுத்
துறையில் 100% அந்நிய நேரடி முதலீடு: காப்பீட்டுத் துறையில் அந்நிய நேரடி முதலீட்டை (FDI) தற்போதைய 74 சதவீதத்திலிருந்து 100
சதவீதமாக உயர்த்த வகை செய்யும் ‘காப்பீட்டுச் சட்டங்கள் (திருத்த) மசோதா, 2025′ மக்களவையில்
நிறைவேற்றப்பட்டது.
முக்கிய அம்சம்: பாலிசிதாரர்களின் நலனைப் பாதுகாக்கவும், கூடுதல் முதலீட்டை ஈர்க்கவும் இந்த நடவடிக்கை
எடுக்கப்பட்டுள்ளதாக மத்திய நிதியமைச்சர் நிர்மலா சீதாராமன் தெரிவித்தார்.
· உயர்கல்வி ஆணைய
மசோதா: பல்கலைக்கழக மானியக் குழு (UGC), அகில இந்திய தொழில்நுட்பக் கல்விக் குழு (AICTE), தேசிய
ஆசிரியர் கல்விக் குழு (NCTE) ஆகியவற்றை இணைத்து ‘வளர்ந்த பாரத கல்வி மேற்பார்வை ஆணையம்‘ என்ற ஒரே
அமைப்பை உருவாக்க வழிவகை செய்யும் மசோதா, நாடாளுமன்றக்
கூட்டுக் குழுவின் ஆய்வுக்கு அனுப்பப்பட்டுள்ளது.
· மகாத்மா காந்தி ஊரக
வேலைவாய்ப்புத் திட்டத்தில் மாற்றம்: 100 நாள் வேலைவாய்ப்புத் திட்டத்திற்கு மாற்றாக ‘வளர்ந்த பாரத ஊரக வேலைவாய்ப்பு மற்றும் வாழ்வாதார
உறுதியளிப்புச் சட்ட மசோதா‘ மக்களவையில் அறிமுகம்
செய்யப்பட்டது.
சிறப்பம்சம்: வேலை நாட்களை 100-லிருந்து
125 நாட்களாக உயர்த்த இம்சோதா
வழிவகை செய்கிறது. ஆனால், திட்டத்தின் பெயரிலிருந்து ‘மகாத்மா காந்தி‘ பெயர் நீக்கப்பட்டதற்கு
எதிர்க்கட்சிகள் எதிர்ப்பு தெரிவித்தன.
· பரம்வீர்
காட்சியகம்: புதுதில்லி குடியரசுத் தலைவர் மாளிகையில், பரம்வீர் சக்ரா விருது பெற்ற 21 வீரர்களின்
படங்களுடன் கூடிய ‘பரம்வீர்‘ காட்சியகத்தை குடியரசுத் தலைவர் திரௌபதி முர்மு திறந்து வைத்தார்.
2. மாநில
செய்திகள் (State News – Tamil Nadu)
· புதிய ஹஜ் இல்லம்: சென்னை விமான நிலையம் அருகே ரூ.39.20 கோடி மதிப்பீட்டில் கட்டப்படவுள்ள ‘தமிழ்நாடு ஹஜ் இல்லம்‘ கட்டுமானப் பணிக்கு
முதலமைச்சர் மு.க. ஸ்டாலின் அடிக்கல் நாட்டினார்.
·விவசாயிகளுக்கு
விருது: வேளாண் விளைச்சல் போட்டிகளில் அதிக மகசூல் பெற்ற 34 விவசாயிகளுக்கு மாநில அரசு சார்பில் மொத்தம் ரூ.55 லட்சம் பரிசுத்தொகை வழங்கப்பட்டது^.
·சர்வதேச நானோ
அறிவியல் மாநாடு: வேலூர் விஐடி
பல்கலைக்கழகத்தில் 3-வது சர்வதேச நானோ அறிவியல் தொழில்நுட்ப
மாநாடு தொடங்கியது. இதில் வேதியியலுக்கான நோபல் பரிசு பெற்ற விஞ்ஞானி மௌங்கி ஜி. பவெண்டி
(Moungi G. Bawendi) பங்கேற்றார்.
3. சர்வதேச
செய்திகள் (International News)
· பிரதமர் மோடி –
ஜோர்டான் பயணம்: ஜோர்டான் நாட்டுக்குச்
சென்றுள்ள பிரதமர் நரேந்திர மோடி, அந்நாட்டு
மன்னர் அப்துல்லா பின் அல் ஹுசைனை சந்தித்துப் பேசினார். இரு நாடுகளுக்கும்
இடையிலான வர்த்தகத்தை அடுத்த 5 ஆண்டுகளில் 5 பில்லியன் டாலராக (சுமார் ரூ.45,483 கோடி) உயர்த்த
இலக்கு நிர்ணயிக்கப்பட்டுள்ளது.
· உக்ரைன் – நேட்டோ
பாதுகாப்பு: உக்ரைன் – ரஷ்யா போரை முடிவுக்குக் கொண்டுவர, உக்ரைனுக்கு நேட்டோ (NATO) உறுப்பு நாடுகளுக்கு இணையான பாதுகாப்பு உத்தரவாதம் வழங்கப்படும் என
அமெரிக்க அதிபர் டொனால்ட் டிரம்ப் அறிவித்துள்ளார்.
4. பொருளாதாரம்
(Economy)
· ரூபாய் மதிப்பு
வரலாறு காணாத சரிவு: அமெரிக்க டாலருக்கு நிகரான
இந்திய ரூபாயின் மதிப்பு வரலாறு காணாத வகையில் சரிந்து ரூ.91.01 ஆகப் பதிவாகியுள்ளது.
·  வர்த்தகப்
பற்றாக்குறை குறைவு: இந்தியாவின் வர்த்தகப்
பற்றாக்குறை நவம்பர் மாதத்தில் 5 மாதங்களில்
இல்லாத அளவாக 2,453 கோடி டாலராகக் குறைந்துள்ளது.
·எதிர்மறைப்
பணவீக்கம்: மொத்த விலை பணவீக்கம் (Wholesale
Inflation) நவம்பர் மாதத்தில் தொடர்ந்து இரண்டாவது மாதமாக
எதிர்மறையாக (-0.26%) பதிவாகியுள்ளது.
5. அறிவியல்
மற்றும் சுற்றுச்சூழல் (Science & Environment)
·  முட்டையில்
புற்றுநோய் காரணி: முட்டைகளில் தடை செய்யப்பட்ட ‘நைட்ரோஃப்யூரான்‘ (Nitrofuran) எனும் ஆன்ட்டி பயாட்டிக் மருந்துப் பொருட்கள் உள்ளதா எனத்
தமிழகம் முழுவதும் உணவுப் பாதுகாப்புத் துறை அதிகாரிகள் ஆய்வு செய்து வருகின்றனர்.
· சைபர் நைஃப்
சிகிச்சை (CyberKnife): மூளையின்
ஆழமான பகுதியில் (ஹைபோதலாமஸ்) உருவான கட்டியை, அறுவை
சிகிச்சை இல்லாமலே ‘சைபர் நைஃப்‘ எனும்
கதிரியக்கச் சிகிச்சை மூலம் அகற்றி சென்னை அப்போலோ மருத்துவமனை மருத்துவர்கள்
சாதனை படைத்துள்ளனர்.
6. விளையாட்டு
(Sports)
· IPL ஏலம் 2026
சாதனை: ஐபிஎல் மினி
ஏலத்தில் ஆஸ்திரேலிய வீரர் கேமரூன் கிரீன் (Cameron Green) ரூ.25.20 கோடிக்கு
கொல்கத்தா நைட் ரைடர்ஸ் அணியால் வாங்கப்பட்டார். இது ஒரு வெளிநாட்டு வீரருக்கு
வழங்கப்பட்ட அதிகபட்ச தொகையாகும்.
·  இரட்டைச் சதம்
சாதனை (U-19): 19 வயதுக்குட்பட்டோருக்கான
(U-19) ஒருநாள் கிரிக்கெட் போட்டியில், இந்தியாவின் அபிஞான் குண்டு (Abhigyan Kundu) மலேசியாவுக்கு எதிராக ஆட்டமிழக்காமல் 209 ரன்கள் விளாசி வரலாறு படைத்தார். யுத் (Youth) ஒருநாள்
போட்டிகளில் இரட்டைச் சதம் அடித்த முதல் இந்தியர் இவர்.
7. முக்கிய
தினங்கள் (Important Days)
· விஜய் திவாஸ் (Vijay Diwas) – டிசம்பர் 16: 1971-ம் ஆண்டு பாகிஸ்தானுடனான போரில் இந்தியா வெற்றி பெற்றதன்
நினைவாகவும், வங்கதேசம் உருவானதன் நினைவாகவும் நேற்று வெற்றி
தினம் கொண்டாடப்பட்டது. குடியரசுத் தலைவரும் பிரதமரும் போர் வீரர்களுக்கு மரியாதை
செலுத்தினர்.